Autorsko audycja Claudii i Kasi Chwołka w Radiu Silesia pod tytułem „Warzynie w starym radioku”.
Historie, ciekawostki, zespoły i śpiywki sprzed lot.
Wspomniynia biesiad, festynów i zabaw przy ślonskich utworach.
Zaproszomy do słuchanio, bydźcie razym z Nami!
Do znanych i lubianych szlagierów zawsze nowy przepis:
Smażone kartofle z jajcym i śmietonkom (z audycji z dnia 1.09.2024)
SKŁADNIKI:
3 kartofle;
3 ząbki czosku;
olyj do smażynio;
4 jajca;
1 tomata;
szczypior ze cebule (ewentualnie w sznitloch);
koperek
200 ml śmietonki słodkij;
sól do smaku.
JAK ZROBIĆ?
- Kartofle strugomy i krejymy na plastry ok. 0,5 cm grubości.
- Czosnek obiyromy i krejymy tyż na plasterki.
- Na tyglik wlywomy olyj i jak się rozgrzeje to wciepujymy czosnek.
- Czosnek chwila smażymy na delikatnym łogdniui, wyciągomy (chodzi ino ło to coby nawoniać łolyj na kerym bydymy smażić kartofle).
- Kartofle wciepujymy na rozgrzoty tłuszcz i smażymy z obu stron na złoto.
- W osobnyj misce rychtujymy masa jajeczno tzn. wbijomy jajca i bełtomy, dodowomy posiekany szczypior i koperek, pokroto w kostka tomata i solymy do smaku.
- Masa jajeczno miyszomy, dodowomy śmietonka i jeszcze roz dokładnie miyszomy.
- Na usmażone kartofle wylywomy masa jajeczno i przikrywomy deklym.
- Trzimiymy na małym łogniu ok. 15 minut.
- Po tym czasie ściepujymy dekiel i trzymiymy jeszcze ok. 10 minut, aż wszystko się zetnie i ranty trocha się przirumiyniom.
Po więcej zapraszamy Na strone z Przepisami!
